Prýðifélagið Skjöldur, Skerjafjordur

Prýðifélagið Skjöldur er samtök íbúa Skerjafjarðar sunnan flugvallar. Prýðifélagið Skjöldur var stofnað fyrir 12 árum og um markmið þess segir í lögum félagsins:

• Að standa vörð um þá sameiginlegu hagsmuni íbúanna sem lúta að umhverfis- og skipulagsmálum og vinna að framfaramálum í hverfinu í samræmi við sjónarmið íbúa.


• Að glæða almennan áhuga á sögu og sérkennum hverfisins og hlúa að menjum þess og náttúrusérkennum.


• Að stuðla að prýði í hverfinu og samheldni meðal íbúanna.


• Að starfa með borgaryfirvöldum og öðrum opinberum aðilum sem fara með málefni hverfisins og íbúa þess.


• Að vera samstarfs- og samráðsvettvangur íbúa og stuðla að samstarfi við íbúasamtök annarra hverfa.

Á síðunni "Stjórn Skjaldar" eru nöfn og netföng allra stjórnarmanna. Í borða þessarar vefsíðu er mynd af manni í ræðustól með veifu á stöng upp úr púltinu. Í raun eru þetta göturnar í Skerjafirði sem búa til þess mynd án þess að nokkuð þurfi að eiga við hana. Stjórn Prýðifélagsins telur að þetta sé Skjöldur sjálfur að halda ræðu um málefni hverfisins.