Kyndlasala Brennusjóðs

Brennusjóður Skjaldar stendur undir brennugjaldi, tryggingum og öðrum kostnaði við skemmtunina. Tekjulind hans er sala á kyndlum. Við biðjum Skerfirðinga því að taka vel á móti sölufólkinu sem gengur í hús milli jóla og nýárs (og hafa reiðufé handbært). Lágmarksverð kyndilsins er aðeins 500 kr. en verðlagning er að öðru leyti frjáls fyrir þá sem vilja styrkja Brennusjóðinn góða.

Fallegustu jólaskreytingarnar 2008 - Sendið tilnefningar

Prýðifélagið Skjöldur stendur fyrir samkeppni um best skreytta hús og lóð í Skerjafirði. Hverfisbúar, bæði börn og fullorðnir, eru hvattir til að senda tilnefningar á netfangið [e-mail].

Óháð dómnefnd tekur mið af þeim og fer um hverfið fyrir áramót í leit að fallegustu jólaskreytingunum. Þeir sem hafa ekki þegar sett upp jólaskraut og seríur í glugga og garða gefst því enn ráðrúm til þess.

Vegleg verðlaun verða veitt á Skógarrólósamkomunni á gamlárskvöld.

Eggert Hjartarson nýr formaður Prýðifélagsins Skjaldar

Nýkjörin stjórn Prýðifélagsins Skjaldar hefur skipt með sér verkum. Nýr formaður er Eggert Hjartarson, Reynisnesi við Skildinganes, en var fyrsti formaður Prýðifélagsins Skjaldar. Ritari er Ottó Eðvarð Guðjónsson. Ásdís Káradóttir gegnir áfram starfi gjaldkera.

Sjá lista yfir fulltrúa í stjórn ásamt netföngum hér á vefnum.

Breytingar á stjórn
Á fyrsta fundi nýkjörinnar stjórnar bað Fannar Jónsson um að varamaður tæki sæti sitt í aðalstjórn. Samkomulag varð um að Ottó Eðvarð Guðjónsson tæki við í aðalstjórn en Fannar féllst á að vera varamaður svo áfram eru tveir varamenn fyrir aðalstjórnarfulltrúana fimm.