Skerjafjarðarhátíðin verður 14. ágúst

Stjórn Skjaldar ákvað á fundi sínum í kvöld að Skerjafjarðarhátíðin verði haldin laugardaginn 14. ágúst. Dagskráin verður kynnt síðar hér á vefnum, en segja má frá því að meðal skemmtiatriða verður kassabílakeppni, fótbolti milli FS og foreldra, sjósund og jafnvel sjóstangveiði frá ströndinni. Allir sem taka taka þátt í kassabílakeppninni fá verðlaunapening. Um kvöldið verður grillað, spilað og sungið eins og venjulega. Skerfirðingar eru hvattir til fjölmenna oghefja undirbúning snemma með tiltekt í sínu næsta umhverfi, og hugmyndin er að halda allsherjartiltektardag í vikunni fyrir hátíðina. Veislutjald og hljóðkerfi verður sett upp á Nonnatúni eins og í fyrra. Í lokin má geta þess að þegar er búið að redda diskókúlu!

Stjórnin